RSS

Author Archives: Boobala Arun Kumaran R

About Boobala Arun Kumaran R

I'm Just Like YOU...

என்ன பெயர் வைக்கலாம்?

ஜனவரி மாதம் 13ம் தேதி பிறந்த எனது மகளுக்கு என்ன பெயர் வைக்கலாம் என தேடிக் கொண்டிருந்த சமயம்…

பலரும் தங்களின் மனதில் கொண்டிருந்த விருப்பமான பெயர்களை கூறினார்கள். அது மற்றுமின்றி பல வலைதளங்களும் தங்கள் விருப்பத்தை பிரதிபலித்தது.

நான் மட்டுமே பெயரை முடிவு செய்வேன், அதுவும் தமிழில் தான் வைப்பேன் என்றதும், எனக்கு தமிழை ஊட்டி வளர்த்து என்னை தமிழ்த் தாய்க்கும் மகனாக்கிய எனது தாய் சம்மதம் கூறினார். கூடவே மனைவியும் சம்மதித்தாள்.

me.jpg

இணையமே துணையாய் அலசி ஆராய்ந்து சில பெயர்களை தேர்வு செய்தாகிவிட்டது

நிறைமதி – முழுநிலவு
நறுவிழி – அழகான கண்கள்
நிலா
நித்திலா – முத்து(Pearl)
நிரல்யா – பூரணம், வரிசை (Perfect, Order)
நன்மொழி
நந்தினி – காமதேனுவின் மகள்

சில சம்ஸ்கிருத பெயர்களும்,
நிதுளா – (தெரியலப்பா)
நேத்ரா – விழிகள்

தேர்ந்தெடுத்த தமிழ் பெயர்களிலே வித்தியாசமாகவும் புதியதாகவும் இருப்பது,
நித்திலாவும், நிரல்யாவும்…

நித்திலம் என்பது நவரத்தினங்களில் ஒன்றான முத்து என்பதாகும்
நிரல் என்பது முழுமை அடைந்த அல்லது வரிசையான என்பதாகும்

பெயர்களை எல்லாம் எழுதி, இறைவன் திருவடியில் கொடுத்து, ஒன்றை மட்டும் வேண்டிக் கொண்டோம்.
இறைவனே அருளிய பெயர்: நிரல்யா

b30a3d8a66e6c45e64943d8d59700175.jpg

கவி முடத்தாமக் கண்ணியார் அவர்கள் சோழன் கரிகால் பெருவளத்தானை பாட்டுடைத் தலைவனாய் கொண்டு அருளியது பொருநர் ஆற்றுப்படை. பத்துப்பாட்டுகளில் இரண்டாவது பாட்டு. அதில்,

“முரவை போகிய முரியா அரிசி
விரலென நிமிர்ந்த நிரலமை புழுக்கல்”
–(பொருநராற்றுப்படை 113-114)

என்ற வரிகளில் நிரல் என்ற சொல், குறைபாடுகள் அல்லாத என்ற அர்த்தம் கொண்டு,

முல்லை மொட்டின் தன்மையை உடைய வரியற்ற இடை முறியாத அரிசி
விரலைப்போல் நீண்ட ஒன்றோடொன்று சேராத குறைபாடற்ற சோற்றையும்”

என்று பொருள் படும்படி பாடி இருப்பார்.

Porunar_Aatrupadai

மேலும்,
அணி இலக்கணத்தில், அணிகளில் ஒன்றாக நிரல்நிறை அணி குறிப்பிடப்படுகிறது

“நிரல்நிறை அணி சொல்லையும் பொருளையும் வரிசையாக நிறுத்தி அவ்வரிசைப் படியே பொருள் கொள்ளும். அதாவது சில சொற்களை முதலில் ஒரு வரிசையில் வைத்து, அச்சொற்களோடு தொடர்புடைய சொற்களை அடுத்த வரிசையில் முறைமாறாமல் சொல்வது நிரல்நிறை அணி ஆகும்”

அன்பும் அறனும் உடைத்தாயின் இல்வாழ்க்கை
பண்பும் பயனும் அது
–(திருக்குறள், 45)

இக்குறள் அன்பு, அறன் என்பவற்றை வரிசையாக நிறுத்தி அவற்றோடு தொடர்புடைய பண்பு, பயன் என்பவற்றை முறையே அடுத்த வரிசையில் இணைத்து, பொருள் கொள்ளுமாறு அமைக்கப் பெற்றுள்ளது. இதுவே நிரல்நிறை அணி ஆகும்.

இங்கே நிரல் என்பது வரிசையாக என குறிப்பிடப்படுகிறது…

ஆக,

நல்ல தமிழ் பெயராகவும், புதியதாகவும் இருக்கும்படியாக நிரல்யா என்ற பெயரையே வைத்துவிட்டோம்.

நிரல்யா – முழுமையானவள் – வாழ்க வளமுடன்

Advertisements
 
1 Comment

Posted by on January 29, 2018 in Uncategorized

 

போகியில் புதுமை

போகியில் புதுமை

வந்தாள் பதுமை புதுமையை தந்திட

தேர்மேல் தேவதை போகியை கொண்டாட

துன்பங்கள் எரிந்தது பழையன போல

இன்பங்கள் புகுந்தது புதியன போல

என்றும் என்றேன்றும்

வாழ்வு சிறக்க வாழ்க வளமுடன்

அன்பு மகளே !!!

வலிகள் ஜீரணித்து வேதனை மறைத்து

அண்டத்தில் அன்புக்கு அடைக்கலம் கொடுத்து

பிண்டத்தை அண்டத்தில் உயிரோலியாய் அளித்து

முதலாம் மூன்றில் உணவை மறந்து

இரண்டாம் மூன்றில் தூக்கம் விடுத்து

மூன்றாம் மூன்றில் தன்னுடல் வருத்தி

இறுதியில் உயிரையே வலியாய் கொண்டு

முதலாம் மூச்சுக்கு வழிவகை செய்து

தேவதையை வரவேற்ற

தியாகமே!! தெய்வமே!! பெண்ணியமே!!

அன்பு மனைவியே !!

வாழ்க வளமுடன்…

 

Tags: , , , , , , , , , , , , , ,

திருமண வாழ்த்துக்கள்

👱இரு மனம் 👱‍♀திருமணமாகி 

ஒரு 💑 மனமாய் மலர்ந்து 🌺

தினம் தினம் மணம் வீசி 🎼
செழிக்கும் செல்வங்கள் பெற்றும் 💰

அளிக்கும் உள்ளங்கள் கொண்டும் 👼🏻

விழிகளாய் விழிப்புடன் 👀

வாழ்க வளமுடன்!!! 💐

நண்பன் தினேஷ் க்காக அவனது திருமணநாள் (9 நவம்பர் 2017) அன்று எழுதியது

 

Tags: , , ,

இனிய பிறந்தநாள் வாழ்த்துக்கள் தாயே

இனிய பிறந்தநாள் வாழ்த்துக்கள் தாயே

அன்பு கொண்டு 👱‍♀
ஆனந்தம் பொங்கும் 😁
இன்பமயமான அம்மக்காவே😉
ஈகை குணம் கொண்ட🤝
உண்மையாக 🙏
ஊர் உலகம் அறிந்த 🏕
எங்கள் தாயே ❤
ஏணியாய் நின்று 🌱
ஐயம் இன்றி 💐
ஒற்றை மனிதியாய் 🙅
ஓடமாய் நின்று கரை கண்டாயே🛥 
ஓளடதமாய் நீயிருந்து எங்களை ☕
எஃகாய் மாற்றினாய் 💪
நன்றி 🙏 தாயே 🙏 நன்றி 

✍ இனிய பிறந்த நாள் வாழ்த்துக்கள் தாயே 👩🏻

 

Tags: , , , ,

உனக்குத் தம்பி வேண்டுமா, அல்லது தங்கை வேண்டுமா?

கர்ப்பமாக இருந்த தாய், தன் மகளிடம் கேட்டாள்…

 “உனக்குத் தம்பி வேண்டுமா, அல்லது தங்கை வேண்டுமா?” என்று… 

மகள், “தம்பி வேண்டும்” என்றாள்.
“யாரைப் போல் தம்பி இருக்க வேண்டும்?” என்று தாய் கேட்க, 

“ராவணனைப் போல் இருக்க வேண்டும்” என்றாள் மகள்.

திடுக்கிட்ட தாய், “உனக்குப் பைத்தியம் பிடித்திருக்கிறதா என்ன? ராமனைப் போல் ஒரு சகோதரன் வேண்டும் என்று சொல்லாமல், ராவணனைப் போல் வேண்டும் என்கிறாயே!” என்றாள்.
“அம்மா! நான் சொன்னதில் என்ன தவறு இருக்கிறது?  உடன் பிறந்த சகோதரி அவமானப்பட்டாள் என்பதற்காக, ராவணன் தன் அரியணை, ராஜ்ஜியம், உயிர் அனைத்தையும் இழந்தானே! 

தன் எதிரியின் மனைவியைச் சிறை பிடித்த போதிலும், அவளை ஒரு போதும் தீண்டவில்லையே!

 ஆனால் ராமன், யாரோ ஒருவன் சொன்னான் என்பதற்காக, கர்ப்பவதியாக இருந்த தன் மனைவியை ஒதுக்கி வைத்தானே! 

அவளை தீக்குளித்துத் தன் புனிதத்தை நிரூபிக்கச் செய்தானே!

உனக்கு வேண்டுமானால் ராமனைப் போல் மகன் பிறக்கட்டும். 

ஆனால் எனக்கு ராவணன் போன்ற சகோதரன் தான் வேண்டும்” என்றாள் மகள்.
தாயால் பதில் கூற முடியவில்லை. அதிர்ந்து போனாள்.
இக்கதை ஒரு விவாதத்தைத் துவக்கலாம். ஆனால் கதையின் உட்பொருளைக் கூர்ந்து நோக்கினால், ஒரு உண்மை புலப்படும்.இவ்வுலகில் நல்லவர், கெட்டவர் என்பது நாம் நம் தனிப்பட்ட அனுமானங்களால் முடிவு செய்வதே. 
கேளிக்கைகளில் திளைப்பவன் என்பதால், 

ஒருவன் கெட்டவன் என்றில்லை.

கோவிலுக்குச் செல்பவன் என்பதால், 

ஒருவன் நல்லவனும் இல்லை. 

கோவிலுக்கு வெளியே இருக்கும் ஏழையும் சரி, கோவிலுக்கு உள்ளே இருக்கும் பணக்காரனும் சரி – கேட்பதென்னவோ பிச்சை தான். 

நம் எண்ணங்கள் தராசின் முள் போல் இருத்தல் வேண்டும்.

 

Protected: என் உயிரின் முதல் கவிதை

This content is password protected. To view it please enter your password below:

 
Enter your password to view comments.

Posted by on September 4, 2017 in கவிதைகள்

 
Quote

விடை தெரியாத வினாக்களோடு பயணிப்பதே வாழ்க்கை என்றாலும் 🙁 விடை அறிந்த வினாக்களோடு உழல்வதே மனிதம் 🤕

வேடிக்கை மனிதராய் வீழ்ந்திடல் பெருமையென புகழ் பாடும் புனிதர்களுக்கிடையே புன்னகையோடு நான் 🤒

மனிதம்